Maestro ang Akong Uyab Part 1

Ako si Dina. Ingon sa akong mga amega, ang saktong pangalan daw nako kay Dina Natuto. Nakasulti sila ana tungod sa nahitabo nako.

Aduna koy uyab sa una. Gwapo nga Maestro sa mathematics. Pero, nagbulag mi tungod kay layo kayo ang agwat sa among edad. Ako kinse; siya binte-singko. Pero para nako sa una, match daw kami. Kahinumdom pa ba kamo sa dula nga flames – kana bitaw i-match nimo ang inyong mga pangalan tapos ang mga letra sa inyong mga pangalan adunay meaning gamit ang F-L-A-M-E-S?

Ingon ana. Nabuang ko sa una tungod anang dulaa. Pero sa paglabay sa tulo ka tuig, nabuang na usab ako. Nahigugma na pud ko sa akong maestro sa college. Karon, desi-otso na akong edad; siya, traynta-uno.

Maestro ang akong uyab. Wala ko nanghambog ha. Nagsulti lang ko sa tinood. Maestro siya diri sa Misamis Oriental. Dili lang ko mag-mention ug name sa school kay naay maigo. Hello, wala ko gaingon nga naa si Dina sa USTP, TCC, or COC. Basta, taga-Misamis Oriental lang siya. Ug usa pa, kabalo na man sab mo nga gakahitabo man gyud ang teacher and student relationship. Nahitabo man kana nga relasyon sa hilom kay kuno, ingon nila, makauulaw. Kinsay gaingon? Peace!

Na-fall in love ko kay Sir tungod kay gwapo siya, humot, ug maskulado. Imagina kuno ninyo ang usa ka maskuladong lalaki, nagtindog sa imong atubangan, ga-lecture ug DNA and RNA, nasimhutan nimo ang mahalon niyang perfume, nakita nimo ang mahalon nga grano sa tela sa iyahang long-sleeve, ug nakasuot pa gyud siya sa brown niyang lapat na lapat nga pantalon. Nakakita ka sa gabutod sa iyang atubangan.

Unya, asa ka mutan-aw. Sa wala o sa tuo. Syempre, dili malikayan na makatan-aw ka sa iyang bukdo nga atubangan. Bukdo gyud kaayo. Medyo pi-ot iya pantalon. Busa makalingiw kag tan-aw sa wala ba o sa tuo para dili ka mabayot ug totok. Malibat ka ug pakarung-ingnon nga wala lang gatan-aw. Gapasumangil gyud ka ug lingi-lingi para lang dili ka makakita sa iyahang bukdo nga atubangan.

Pero, luhagan kaayo ang imong huna-huna. Ang dagan sa imong otok ming-abot na sa kintolimbo. Layo naka ug naabtan sa imong huna-huna hangtod sa nakita na nimo imong kaugalingon ug ang imong Sir nga nagdinaganay mo ug nagtampisaw kamong duha sa tubigan, diha sa kadagatan sa imong paghanduraw. Grabe gyud kalihok ang imong imahinasyon. Mao usab kana ang nahitabo nako. Perti gyud kalihokan. Ingon sa uban, gaki-at lang daw ko.

“Dina? What’s the answer?”

“Yes!”

Hasta nakong kurata. Gipangutana na di-ay ko niya sa among lesson sa biology. Pero ang akong tubag “yes.” Grabe ka awkward. Dili ko kabalo kung mukatawa ba ko o dili. Basta nabatian lang nako ang dugo nga nanagan sa kaugatan sa akong nawong ug pati na gyud sa akong aping. Gusto ko mag-teleport adtong higayuna.

“Unsay yes?”

Nagkapuliki ko ug tubag. Nangatawa na ang tanan nakong classmates. Ambot lang kong nahalata ba nila. Basin nangatawa lang sila sa sayop nga answer. Or basin pud nangatawa sila kay nasakpan ko nila sa akong huna-huna. Wala koy labot sa akong tubag. Bahala na. Syempre pa-weekend na man sab busa dili na kaayo ulaw kay mulabay na man ang Sabado ug Dominggo wala akong mga classmates.

“Happy birthday, anak.” Ingon sa akong Mama. Birthday di-ay nako karon. Natunong pa gyud ug Dominggo. Gi-imbitar nako ako tanang classmates. Nangaon ming tanan sa handa ni mama ug papa. Pero gi-text nako si Sir nga birthday nako para maka-anha siya. Crush man gyud nako siya. Pero ako siya gi-ingnan nga unya nalang sa gabii siya muanhi kay naa pa ako classmates.

“What time?”

Inglesero kaayo si Sir. Maskin sa text kay English iya tubag. Tood pa di-ay, ikaduha na nako niyang text. Ang una, ako siyang gi-invite nga manuroy mi sa View Deck sa Claveria. Wala siya mingtunga kay ingon niya, nag-check daw siya ug papel. Ingon ko, mutabang ko ug check para mahuman. Pero ingon siya, kaya na daw niya. Ambot niya. Hard to get. Abi nako ug babae lang ang hard to get. Pero ako kay easy to get.

Kadyot lang ha, basin mangutana mo nganong aduna koy number ni Sir. Mao kini ang nahitabo. Akong gipangayo iyang number kay magtext lang ko kung naa ko pangutana sa assignments ug difficult topics. Ingon ana lang. Wala nay laing rason. Perti gayud ka desperada. Go lang ng go! Ug sa permiro, nagdumili siya muhatag sa iya number. Pero ako siyang gi-pugos. Walay ulaw, basin maunhan ko sa uban. Naa labay lain diha sa daplin nga gapa-nilap lang. Pak, ganern! What Dina wants, Dina gets. Charmos kaayo. Basta laban lang para sa ekonomiya.

“Dili man ko gabinuang Sir.”

Natandog siguro ang iyang ego kung sa psychology pa. Ug sa iyang pagtoo nga basin makaingon ko nga hugaw siya ug huna-huna, gihatag na lang niya ang iyang number. Mao naka-text ko sa iya karon. Nag-text ko nga birthday nako.

“Mga 7 PM Sir.” Ang akong tubag sa iyang pangutana sa text.

Ug sa dihang ming-abot si Sir. Naka-jogger pants lang siya nga color navy blue. Lapat na lapat ang jogger pants niya sa iyang dagko nga paa. Naka-white V-Neck shirt siya na lapat na lapat pud sa iyang sexy nga lawas. Naa siya tattoo. Wow, dagdag points sa ako. Mao di-ay ga-longsleeve siya sa klase namo. Tapos, minglingi ko sa akong igsoon na beki ug babaye, nakatan.aw di-ay pud sila. Naglaway si Mira. Nag-ihi ihi sa kanindot ni Sir. Perti ga yud sila makatutok. Nalibat si beki. Kung makatan-aw silang duha, murag gihubuan na nila si Sir sa ilang mga mata.

“Kinsa siya?” Ingon sa beki nga tingog sa akong luyo, ang akong bayot nga igsoon.

“Ang akong teacher sa Biology.” Ang akong tubag.

“Kanamit gid!” Ingon dayon siya samtang ang iyang mata halos mulugwa na sa iyang balayan. Nakapanglab-ok pa. Gi-uhaw! Minglingi ko sa toong bahin. Nakita nako ang akong igsoon nga babaye samtang gatulo ang iyang laway. “Mira, ang panyo girl.” Ako na siyang gi-ingnan nga trapuhan na niya ang ga-tulo niyang laway. Wala nakoy mahimo nila. Sige. Pag-imagine pa more. Basta ako, i-entertain nako sir Sir kay siya ang bisita. Ug siya ang akong atubangon ug silbihan. Charmos! Magpa-alila lang sa ko karon. Charot!

“Sir, salamat sa pagtambong sa party. Pero, ikaw nalang usa kay nanlakaw na akong mga classmates ug silingan.” Mao ang akong pasiuna nga istorya. Ingon sa tambay namong silingan, “istoryahe ko diri!”

“Wow! Okay kaayo. Para wala nay mag-saba sa lamisa.” Naka-smile si Sir. Ang iyang manga-ngipon nga puti kaayo nag-amag maskin pa sa ngitngit nga sala. Wala mi giputlan ug koryente ha. Unsa nalang kaha ang ikasulti sa tsismosa namong mga silingan. Gituyo lang namo nga ngitngit para tsada tan-awon ang salida. Ako dayon siyang gi-andaman ug pagkaon. Mingtabang dayon nako ang akong igsoon nga beki ug si Mira para mag-prepare kami sa foods samtang si Sir naa sa sala. Diha lang namo siya gipakaon para makakita siya sa movie nga The Next Three Days. Usa ni siya ka American thriller film adtong  2010 ni Paul Haggis nga ang gadala nga artista sina Russell Crowe and Elizabeth Banks. Maestro man gud si Russell Crowe basin maka-relate si Sir.

Nagkaon na si Sir. Mingaw kaayo ang sala. Tingog lang ni Russell Crowe ug Elizabeth Banks lang ang ga-istorya.

“Happy Birthday, Dina.” Ang tingog nga ming-guba sa kahilom sa akong hunahuna sa sala samtang gakaon pa si Sir. Gwapo siya tan-awon nga gakaon. Wala siyay pakemi-kemi. Lalaking-lalaki kaayo. Tungod siguro sa mature na si Sir. Ako diri kuragan lang gyud. Kaon lang siya ng kaon hangtod nga ming-ingon siya nga busog na daw siya. Samtang ako ug ang akong igsoon, sige ug totok niya. Ga-nganga lang.

Ako siyang gipa-inom sa akong gipalit nga red wine. Mahalon ang red wine ha. Sa savings baya nako na para makapalit lang ko ug para naa koy mai-serve niya. At least, nag-effort sab ko.

“Wow! Wine.” Naka-smile si Sir. Medyo nahalata na niya. Ambot lang pero medyo nahalata na may gusto ko niya. Haha. Tinood man sab.

Gikidhatan ko niya. Ang iyang kidhat nagdala ug mensahe nga nag-ingon siya nga salamat. Minglingkod siya gamay sa sofa samtang nagtan-aw siya sa salida. Nakipagsulti dayon siya sa amo tulo ka manag-igsoon. Nangutana siya kung asa daw ang among ginikanan. Ingon ko naa sa kwarto sila mama ug papa kay gapahulay. Makipag-sulti daw siya sila. Busa nakulbaan ko. Basin mamalaye na siya. Haha. Ambisyosa. Dili di-ay. Ingon niya nga lain daw kaayo nga wala daw siya makipagsulti sa ako parents. Tigulang na man daw siya busa makipagkita siya nila ni mama ug papa.

“Maayong gabii, Nay… Tay.” Ang iyang gi-ingon.

“Maayong gabii diha, Sir.” Wow, gi-briefing na nako ang akong parents oy. Ako silang giingnan nga mag-behave sila basta naa si Sir. Lahi man gud si Sir kay murag dili siya ga-joke. Bisan pa ug brusko nga gwapo siya tan.awon, maklaro nga gikan siya sa usa ka adunahang pamilya.  Usa pa, limited lang siya kung mangutana. Pero medyo nakahalata na pud sila mama ug papa. Nakahalata sila  nga mature na si sir ug naa koy gusto sa ako maestro. Pagkahuman nila magkasulti ni mama ug papa, nananghid na pud sila na magpahulay na sila kay gikapoy sila sa prepara sa pagkaon sa akong birthday. Pero, nakahalata si mama ug papa nga naa koy gusto sa ako maestro gyud. Mingkidhat man sab gud sila. Murag nagustuhan nila si Sir. Ako kaha, nagustuhan ba usab ako ni Sir? Ang ako daw nga mata kay gakislapkislap ingon ni Mama. Ingon pa sa akong Tita, babaeng uwagan daw ko. Pero joke ra kadto niya. Kinsa man gud ang dili ma-attract sa hitsuara sa akong maestro. Panit ug nawong palang, sud-an na. Hehe. Makakatawa gyud ka kung maghuna-huna kay lain na dayon musulod sa imong huna-huna. Gawas pa ni-ana, gatudlo siya ug biology. Makapangutana ngano ga-tudlo siya ug biology. Murag talag-saon kaayo nga lalaki mag-tudlo ug biology. Ang uban man gud kay mga babae ang teacher. Karon, kung imo siyang tan-awon, gwapo gyud kaayo siya. Murag dili lang siya biology teacher. Pero kay wala siguro available na subject para mag-tudlo sa iyaha field, busa ga-lecture nalang siya about biology. Kung manamit man gud siya, mura siya ug artista. Six feet and two inches tall, white complexion. May mga tattoo. Naka-trim ang mga balahibo sa iyahang hitsura. Taas kaayo ang ilong. Basta, mangurog ko kung makit-an nako siya. Labi na gyud sa klase, maka-in love ang iyahang pag-pronounce sa mga words. Ang iyahang deep voice kay murag pareha kang Chris Hemsworth kanang gadala sa Thor ba sa The Avengers ug sa Thor pud nga salida. Sakto kaayo si beki sa iyang gi-ingon nga kanamit gid.

Nagduha ka oras sa balay si Sir. Ako na siyang gihatod sa iyang motorbike sa kalsada atbang sa among balay.

Nakuratan si Sir. Ako mang gud siyang gigakos samtang nakalingkod siya sa iyang motorbike. Sa iyang pagka-kurat, na-plastar nako ang akong kamot sa iyang atubangan. Nakahikap ko ug humok nga butang. Naka-gunit na ba kamo ug sea cucumber? Ingon-ana kahumok. Gusto ko mangutana ug unsa kadto. Pero wala na lang. Gipaningot siya ug ang iyahang mga singot kay labaw pa sa Victoria Secret kahumot. Mura ko ug mabuang. Wala siya tingog kadtong ako siyang gigakos. Pero hugot lang akong pag-gakos sa iyaha para mabatian nako ang pitik sa iyahang kasingkasing bisan pag naa rako sa luyo nag-gakos. Mura ko ug naa sa Cloud 9 kay wala nakoy makita sa tanan – kami rang duha. Dili man sab ko makit-an sa ako mga igsoon ug ginikanan nga ga-gakos ko niya kay ngitngit man pud. So, naka-ingon ko sa self na sige pa, gakos pa more…

Kadtong iya nakong gi-atubang, iya nakong gigakos pud. Pero sa kadali lang kay basin naa siguro makakita. Teacher baya siya ug studyante ko. Tapos, naka-smile lang siya pagkahuman niya ug gakos sa ako. Wala pud siya nangutana ngano ako siyang gigakos. Kabalo ko nga kabalo siya na love nako siya. Pero, basin dili lang siya mahilig mangutana. Dili ko assuming ha. Daghan gaingon nako nga assuming daw ko.  Pero sige na lang. Kamo na ang mag-judge. Bawal laba ang judgmental ingon diha sa noon-time show sa GMA.

“Salamat sa pag-anhi sa akong birthday Sir.”

“Hehe. Salamat, pud.”

Pagka-lunes niana. Nagkita kami sa klase. Parang casual lang si Sir. Wala siyang reaksyon sa nahitabo namo adtong ni-aging gabii nga ako siyang gigakos. Wala gani nakabalo ang akong mga classmates nga nag-adto pud siya. Hilom lang ang tanan.

Nahuman na ang usa ka termino sa biology class namo. Gipasar ko ni Sir busa graduating nako. Pero dili na nako makakita ni Sir Bernard. Pero, okay lang. At least, nagkasulti man sab mi adtong birthday nako sa among balay. Nakagakos pa gyud ko niya. Kung dili man kami magkita sa fourth-year nako, okay na lang. Pero sakit sa akong dughan. Murag wala man gud gusto si Sir nako. Iyaha ra man siguro ko gitaga-an sa oras para malipay ko.

Karong fourth-year college nako, dili na nako siya maestro. Back subject ra man gud  nako kadto. Medyo laay kaayo kay wala nakoy inspirasyon. Usa pa, maestro si Sir. Basin sa iyahang huna-huna dili kami bagay sa usa ug usa. Pagkahuman sa akong klasi, maghulat ko ug jeep para diretso nako sakay paingon sa balay. Samtang paingon nako gate sa school, mingtingog ang akong cellphone.

“Dina, naa ko sa wala nga bahin sa gate. Medyo layo lang sa gate para dili ta makita sa mga tao.”

Nagtext si Sir. Ngano kaha. Birthday ba usab niya? Manan-aw ba kami ug sine? Mangadto na ba kami sa View Deck? Sa Mang-Inasal? Sa Jolibee? Daghan kaayo ang akong pangutana. Nanagna na lang ko. Pag-abot nako sa pwesto kung asa siya naghulat, nakita nako ang nakaparada niyang Hi-Lux. Ug ming-abre ang side door sa sakyanan.

“Sakay na!” Ang gi-ingon ni Sir.

…Atangi ang sumpay sa istorya nila ni Bernard ug Dina…

[wpecpp name=”Book” price=”$2″ align=”left”]

 

Photo credit: Wallpapervip.com